नसबन्दी कराय लेव

पहले देखिए:
नसबन्दी कराओ, नैनो पाओ

अब पढ़िए:



नसबन्दी कराय लेव, हो बालमा
एक नैनो मँगाय लेव, हो बालमा
नैनो लै ऐहो तो नैना लड़ैहौं
तब सेजरिया बिछैहौं, ओ बालमा
सेजरिया बिछाय कै नजरिया लड़ैहों
तब जोबनवा लुटैहौं, ओ बालमा
बेटवा, बिटिया न होइहैं, ओ बालमा
नसबन्दी----

नसबन्दी न करैहो औ नैनो न लइहौ
तौ सेजरिया न सजैहौँ, हो बालमा
सवतिया जो लैहो तो लइबै करौ
और पुतवा न करिहौँ, हो बालमा
नसबन्दी---

घर गिरस्ती बचाय लेव, हो बालमा
हमरी बिनती ई मानि लेव, हो बालमा
लरिका, बिटिया बहुत हैं, ओ बालमा
सब नैनो माँ बैठिहैं, ओ बालमा
केतने सुखिया सब होइहैं, हो बालमा
नसबन्दी---

---लक्ष्मीनारायण गुप्त
---१ जुलाई २०११