हमका तो छोड़ि चले बिन लादन

हमका तो छोड़ि चले बिन लादन,
बीविन बिलाप करैं हो।
तुमका तो मिलि गईं बहत्तरि हूरैं,
हमरा धयान छुटै हो।
हमका भूलि बहत्तरि भाईं,
कैसन धीर धरैं हो।
पापी परान निकसि नहिं पावैं,
हमहूँ जिहाद करैं हो।
हमका तो छोड़ि---

बिलखि बिलखि जरदारी रोवैं,
डालर अब कैसे मिलैं हो।
बीस अरब तुम्हरी किरपा ते मिलिगे,
अमरीका हिसाब मँगै हो।
हमका तो छोड़ि---

मुल्ला उमर दिल दहशत पैठी
अगली बार हम न मरैं हो।
हरखि हरखि जवाहीरी सोचैं,
हमरी अब अल्ला सुनै हो।
हमका तो छोड़ि चले---

---लक्ष्मीनारायण गुप्त
---१३ मई २०११